Bundesliqanın 23-cü turu belə bitdi
Bundesliqanın 23-cü turunun ikinci oyun gününün sonuncu qarşılaşması “Leyptsiq” və “Borussiya Dortmund” komandaları arasında keçirilib.
Metbuat.az xəbər verir ki, gərgin idman mübarizəsi şəraitində keçən qarşılaşmada qalib müəyyənləşməyib – 2:2. Leyptsiq təmsilçisi ilk hissədə avstriyalı yarımmüdafiəçi Kristof Baumqartnerin 20-ci və 39-cu dəqiqədə vurduğu qollar sayəsində hesabda irəli çıxıb. Lakin qonaqlar ikinci hissədə hesabı bərabərləşdirə biliblər. Görüşün 50-ci dəqiqəsində “Leyptsiq”in hücumçusu Romulonun avtoqolu hesab arasındakı fərqi azaldıb. Matçın sonuna əlavə olunan hissədə – 90+5-ci dəqiqədə dortmundluların hücumçusu Fabio Silva oyunda son nöqtəni qoyub – 2:2.
Bu qələbədən sonra “Borussiya Dortmund” 52 xalla ikinci pillədə qərarlaşıb. Komanda lider “Bavariya”dan 8 xal geri qalır. “Leyptsiq” isə 41 xalla beşinci sıradadır.
Bundesliqanın 23-cü turuna bu gün keçiriləcək “Frayburq” – “Borussiya Mönxenqladbax”, “St. Pauli” – “Verder Bremen” və “Haydenhaym” – “Ştutqart” görüşləri ilə yekun vurulacaq.
Xatırladaq ki, turun digər görüşlərində aşağıdakı nəticələr qeydə alınıb:
“Maynts” – “Hamburq” – 1:1
“Bavariya” – “Ayntraxt Frankfurt” – 3:2
“Volfsburq” – “Auqsburq” – 2:3
“Union Berlin” – “Bayer Leverkuzen”– 1:0
“Köln” – “Hoffenhaym”– 2:2.
You must enable Javascript on your browser for the site to work optimally and display sections completely.
