“Bakıda keçirilən COP29 Cənubi Qafqaz üçün mühüm hadisədir” – Kobaxidze
Bakıda keçirilən COP29 iqlim konfransı Cənubi Qafqaz üçün mühüm hadisədir.
“Unikal” xəbər verir ki, bu barədə Gürcüstanın Baş naziri İrakli Kobaxidze X sosial şəbəkəsində yazıb.
“Mən Cənubi Qafqaz regionu üçün mühüm mərhələ olan COP29-da iştirak etməkdən şərəf duydum. Biz tərəfdaşlarla birlikdə iqlim dəyişikliyi ilə bağlı problemləri və davamlı gələcək üçün effektiv həll yollarını araşdırdıq. Gürcüstan iqlim böhranı ilə mübarizəyə sadiqdir və müsbət dəyişiklikləri dəstəkləmək üçün təsirli tədbirlər görməyə davam edəcək”, – o bildirib.
