“Sabah” basketbol klubu ÇL-ə məğlubiyyətlə başladı

Azərbaycan təmsilçisi “Sabah” basketbol klubu bu gün Basketbol Çempionlar Liqasında ilk oyununa çıxıb.

Metbuat.az xəbər verir ki, litvalı mütəxəssis Rimas Kurtinaytisın rəhbərlik etdiyi komanda B qrupunun 1-ci turunda səfərdə Çexiyanın “Nimburk” klubu ilə qarşılaşıb.

Görüş meydan sahiblərinin üstünlüyü ilə yekunlaşıb – 93:65.

Qrupun digər qarşılaşması sabah Almaniyanın “Alba” və Fransanın “Elan Şalon” komandaları arasında baş tutacaq.

“Sabah” növbəti oyununu oktyabrın 15-də Bakıda “Alba” klubuna qarşı keçirəcək.